k iheanachoManchester City coach Manuel Pellegrini don confirm say Kelechi Iheanacho go follow for di club Champions League squad wen action resume later dis month.

All di Teams wey don qualify enter ‘Round of 16’ get chance to adjust dem 25-man squad before di knockout parole start next week and Iheanacho wey bin no follow for Man City group matches don show everybody for di club say him ready rub body wit di big boys inside Champions League afta him score hat-trick for FA Cup against Aston Villa on Saturday.

Di 19 years old bobo don score eight goals for all competitions dis season and Pellegrini don see am as player wey go add bite for attack wen dem play Dynamo Kiev, as Kevin De Bruyne, Samir Nasri and Wilfried Bony go miss di game sake of wunjur.

Samir Nasri na di player wey go make space for Iheanachot as wunjur no go make am kick ball for di next two months.