EgyptAs Naija continue to dey jam head for wall unto why di country fall hand for CAF Africa Nations Championship, Egypt don continue dem preparate as e concern 2017 Africa Cup of Nations qualifier wey go shele for March.

Hector Cuper wey be coachie of Egypt yarn say him team don ready show Super Eagles pepper wen dem jam inside Abuja for di first leg match afta di Pharoahs arrange body wit two friendly matches against Jordan and Libya.

Him talk say na 32 players bin show face for di team Aswan camp as e give am chance to touchlite some old players and new ones to fit see which of dem get beta bite to add to him team.

Di former Valencia and Inter Milan coach confirm say him don already sabi di team wey go play against Nigeria for two legs next month.

Egypt dey try qualify for dem first Nations cup since 2010 and dem sidon on top of Group G of Nations Cup qualifiers with six points as Nigeria sidon for second wit four points

LEAVE A REPLY